കാട്ടുകുരുമുളക്

കൃഷി ,സംരക്ഷണം
പ്രധാനമായും ടിഷ്യു കൾച്ചർ വഴിയാണ് വംശവർദ്ധനവ് നടത്തുന്നത്. ചെടിയുടെ അഗ്രഭാഗങ്ങളും മുട്ടുകളും വേഗത്തിലുള്ള വംശവർദ്ധനവിനായി ഉപയോഗിക്കുന്നു. അഗ്രഭാഗങ്ങളെ അപേക്ഷിച്ച് മുട്ടുകൾ ഉപയോഗിക്കുമ്പോൾ മൂന്നിരട്ടി മികച്ച ഫലം ലഭിക്കുന്നു.
വേരുപിടിക്കൽ: പകുതിയോ നാലിലൊന്നോ വീര്യമുള്ള എം.എസ് മീഡിയത്തിൽ വിജയകരമായി വേരുകൾ വളരുന്നു..
വിത്ത് മുളയ്ക്കൽ : ചുവന്ന നിറത്തിലുള്ള മാംസളമായ ഒറ്റ വിത്തുള്ള പഴങ്ങളാണ് ഇതിനുള്ളത്. വിത്തുകൾ ഉപയോഗിക്കാമെങ്കിലും, വംശനാശഭീഷണി നേരിടുന്ന അപൂർവ്വ ഇനമായതിനാൽ ടിഷ്യു കൾച്ചർ രീതിയാണ് കൂടുതൽ അഭികാമ്യം.
ടിഷ്യു കൾച്ചർ വഴി ഉത്പാദിപ്പിച്ച തൈകൾ സ്വാഭാവിക വനങ്ങളിൽ നട്ടുപിടിപ്പിക്കുന്നതിന് മുൻപ് 6 മാസത്തിലധികം നഴ്സറിയിൽ സംരക്ഷിക്കേണ്ടതുണ്ട്. മറ്റ് കുരുമുളക് വർഗ്ഗങ്ങളെപ്പോലെ തന്നെ ഉയർന്ന ആർദ്രതയും , തണലും, വെള്ളം വാർന്നുപോകുന്ന മണ്ണും ഇതിന് ആവശ്യമാണ്.