നാലുമണി
Campaigns Published
Campaigns Unpublished
വിവരണം
- പ്രകൃതം : ഔഷധസസ്യം
- കാണപെടുന്ന പ്രദേശം: അലങ്കാര സസ്യം, പാഴ്നിലങ്ങളിലോ കൃഷിയിടങ്ങളിലോ വളരുന്ന ഒരു കള
- ഇലകൾ : ലളിതമായവ, വിപരീതമായി ക്രമീകരിച്ചിരിക്കുന്നവ, അണ്ഡാകൃതിയിലുള്ളവ.
- പൂക്കൾ : അഞ്ച് ദളങ്ങളുള്ള കാഹളത്തിന്റെ ആകൃതിയിലുള്ള പൂക്കൾ. ഇവ വൈകുന്നേരങ്ങളിൽ വിരിയുന്നു. വെള്ള, മഞ്ഞ, പിങ്ക്, ചുവപ്പ്, മജന്ത തുടങ്ങിയ വിവിധ നിറങ്ങളിൽ കാണപ്പെടുന്നു. ഒരേ ചെടിയിൽ തന്നെ പല നിറങ്ങളിലോ പാടുകളോടു കൂടിയോ ഇവ കാണപ്പെടാറുണ്ട്
വയറിളക്കം, ദഹനക്കേട്, പനികൾ, ആർത്തവ സംബന്ധമായ തകരാറുകൾ, മുറിവുകൾ, വീക്കം
- വേര് അരച്ച് ലേപനമായി പുരട്ടുന്നത് ചിരങ്ങ് , പേശിവീക്കം എന്നിവ ചികിത്സിക്കാൻ ഉപയോഗിക്കുന്നു.
- വേരിന്റെ നീര് വയറിളക്കം, ദഹനക്കേട്, പനി എന്നിവയുടെ ചികിത്സയിൽ ഉപയോഗിക്കുന്നു.
- വേര് ഉണക്കിപ്പൊടിച്ച് ചോളപ്പൊടിയുമായി ചേർത്ത് വേവിച്ച് ആർത്തവ സംബന്ധമായ അസുഖങ്ങൾ ചികിത്സിക്കാൻ ഉപയോഗിക്കുന്നു.
- ഇലകൾക്ക് മൂത്രവിസർജ്ജനം സുഗമമാക്കാനുള്ള ശേഷിയുണ്ട് , ഇവ വീക്കം കുറയ്ക്കാൻ ഉപയോഗിക്കുന്നു. ഇലയുടെ നീര് മുറിവുകൾ സുഖപ്പെടുത്താൻ ഉപയോഗിക്കുന്നു.
കൃഷി ,സംരക്ഷണം
വിത്തുകൾ വർഷങ്ങളോളം കേടുകൂടാതെയിരിക്കും. തണലത്തുള്ള ട്രേകളിൽ വിത്തുകൾ പാകുക, തൈകൾ കൈകാര്യം ചെയ്യാൻ പാകത്തിന് വലുതാകുമ്പോൾ അവ ഓരോ പാത്രങ്ങളിലേക്ക് മാറ്റി നടാം. ചെടി സുഷുപ്താവസ്ഥയിലാകുമ്പോൾ വേരുകൾ കുഴിച്ചെടുത്ത് വിഭജിച്ചു നടാവുന്നതാണ്.
നാലുമണി ചെടി പ്രധാനമായും ഉപോഷ്ണമേഖലാ പ്രദേശങ്ങളിലെ സസ്യമാണ്, എങ്കിലും ലോകമെമ്പാടുമുള്ള ഉഷ്ണമേഖലാ പ്രദേശങ്ങളിൽ ഇവ ധാരാളമായി കണ്ടുവരുന്നു. ഇതിന്റെ വേരുകൾക്ക് -5°c വരെയുള്ള തണുപ്പിനെ പ്രതിരോധിക്കാൻ സാധിക്കും. ഏത് സാധാരണ മണ്ണിലും ഇവ നന്നായി വളരും. സൂര്യപ്രകാശം ലഭിക്കുന്നതോ ഭാഗികമായി തണലുള്ളതോ ആയ, നീർവാർച്ചയുള്ള മണ്ണാണ് ഇതിന് ഏറ്റവും അനുയോജ്യം. ഒരു ഏകവർഷി സസ്യമായും ഇതിനെ വളർത്താം. വിത്തുകൾ സ്വയം വീണ് മുളച്ചു വരാൻ ശേഷിയുള്ളതിനാൽ ചിലയിടങ്ങളിൽ ഇവ ഒരു കളയായി പടരാൻ സാധ്യതയുണ്ട്.
