ഹേമദണ്ഡി

വിവരണം

1. പ്രകൃതം : സസ്യം 
2. കാണപെടുന്ന പ്രദേശം : ചരൽ മണ്ണിലും പാറക്കൂട്ടങ്ങൾക്കിടയിലും വെളിമ്പ്രദേശങ്ങളിലും സാധാരണയായി കണ്ടുവരുന്നു.
3. ഇലകൾ : തണ്ടിന്റെ ഓരോ മുട്ടിലും നാല് ഇലകൾ വീതം വട്ടത്തിൽ കാണപ്പെടുന്നു. ഈ ഇലകൾ വലിപ്പത്തിൽ വ്യത്യാസമുള്ളവയും, അരികുകൾ പല്ലുപോലെയുള്ളവയും , എലിപ്റ്റിക് ആകൃതിയിലുള്ളവയുമാണ്. ഇലഞെട്ടുകൾ വളരെ ചെറുതും രോമാവൃതവുമാണ്.
4. പൂക്കൾ : ഇലയിടുക്കുകളിൽ തനിച്ചോ രണ്ടോ മൂന്നോ എണ്ണം വീതമോ കാണപ്പെടുന്നു. ഇവ ക്രീം-വെളുപ്പ് നിറത്തിൽ ചുവന്നതോ വയലറ്റ് നിറത്തിലുള്ളതോ ആയ വരകളോട് കൂടിയതോ അല്ലെങ്കിൽ ഇളം നീല നിറത്തിലോ ഉള്ളവയാണ്.
5. പഴങ്ങൾ : കാപ്സ്യൂൾ രൂപത്തിലുള്ളവ, പരന്നതും അണ്ഡാകൃതിയിലുള്ളതുമാണ്.
6. തണ്ട് : വശങ്ങളിലേക്ക് പടർന്നു വളരുന്നതും, രോമാവൃതവുമാണ്. തണ്ടിന്റെ മുട്ടുകളിൽ നിന്ന് വേരുകൾ മുളയ്ക്കുന്നു.
7. വിത്തുകൾ : ഒരു ഫലത്തിൽ 2 വിത്തുകൾ വീതം ഉണ്ടാകും; ഇവ മുനയില്ലാത്ത മുള്ളുകളോട് കൂടിയവയാണ്.