ഇലഞ്ഞി

Scientific name

മിമുസോപ്സ് എലെൻജി

English Name

സ്പാനിഷ് ചെറി

Malayalam name

ഇലഞ്ഞി

Common name

ബകുൾ ട്രീ

വിവരണം

പ്രകൃതം : നിത്യഹരിത വൃക്ഷം
കാണപെടുന്ന പ്രദേശം : ഈർപ്പമുള്ള താഴ്ന്ന പ്രദേശങ്ങളിലെ വനങ്ങൾ. കടൽത്തീരങ്ങളിലും പാറക്കെട്ടുള്ള സ്ഥലങ്ങളിലും ഉൾനാടൻ വനങ്ങളിലും സാധാരണയായി കാണപ്പെടുന്നു.
ഇലകൾ : ചെറുതും തിളക്കമുള്ളതും കട്ടിയുള്ളതും അഗ്രം കൂർത്തതുമായ ഇലകൾ.
പൂക്കൾ : ചെറുതും നക്ഷത്രാകൃതിയുള്ളതും മഞ്ഞ കലർന്ന വെള്ളനിറമുള്ളതുമാണ്.
പഴങ്ങൾ : മാംസളവും അണ്ഡാകൃതിയിലുള്ളതുമാണ്. പഴുക്കുമ്പോൾ പച്ചനിറം മാറി ഓറഞ്ച്-ചുവപ്പ് നിറമാകുന്നു

Uses

വയറിളക്കം, വയറുകടി, മോണവീക്കം, പല്ലുവേദന, പനി, ചർമ്മരോഗങ്ങൾ

Parts used

തൊലി, പൂക്കൾ, വിത്തുകൾ, പഴങ്ങൾ, ഇലകൾ

How to use

രക്തസ്രാവം, പല്ലിന്റെ ഇളക്കം, വായ്നാറ്റം : 40-50 ഗ്രാം മരത്തൊലി ഒരു ലിറ്റർ വെള്ളത്തിൽ ഇട്ട് 250 മില്ലി ലിറ്ററായി കുറയുന്നത് വരെ തിളപ്പിച്ച് കഷായം തയ്യാറാക്കുക. മോണയിൽ നിന്നുള്ള രക്തസ്രാവം, പല്ലിന്റെ ഇളക്കം, വായ്നാറ്റം എന്നിവ ചികിത്സിക്കാൻ ഈ മിശ്രിതം ഉപയോഗിച്ച് വായ കുലുക്കുഴിയുക.
മരത്തൊലിയോ കമ്പുകളോ പഴുക്കാത്ത പഴങ്ങളോ ചവയ്ക്കുന്നത് പല്ലുകൾക്ക് ബലം നൽകാനും മോണയിലെ വീക്കം കുറയ്ക്കാനും സഹായിക്കുന്നു.
വയറിളക്കവും വയറ്റിലെ വിരശല്യവും ചികിത്സിക്കാൻ മരത്തൊലി കൊണ്ടുണ്ടാക്കിയ കഷായം (40-50 മില്ലി) ഉപയോഗിക്കുന്നു.
ഉണക്കിപ്പൊടിച്ച പൂക്കൾ നസ്യം ചെയ്യുന്നത് കഠിനമായ തലവേദനയ്ക്കും പനിക്കും ആശ്വാസം നൽകുന്നു.
ചർമ്മരോഗങ്ങൾ, വ്രണങ്ങൾ അല്ലെങ്കിൽ പ്രാണികൾ കടിച്ച ഭാഗത്ത് മരത്തൊലിയും പഴുക്കാത്ത പഴവും അരച്ച് പുരട്ടാവുന്നതാണ്.

Conservation

കൃഷി ,സംരക്ഷണം
വിത്ത് - തണലുള്ള സ്ഥലത്ത് പ്രത്യേകം തയ്യാറാക്കിയ പാത്രങ്ങളിൽ വിത്ത് പാകുന്നതാണ് ഏറ്റവും നല്ലത്. സാധാരണയായി 17 - 82 ദിവസങ്ങൾക്കുള്ളിൽ ഇവ മുളയ്ക്കും. 70 - 90% വരെയാണ് ഇതിന്റെ വിജയനിരക്ക്. തൈകൾക്ക് 20 - 30 സെന്റിമീറ്റർ ഉയരമാകുമ്പോൾ മാറ്റി നടാം. വിത്തുകൾ ഏകദേശം 9 മാസത്തോളം സൂക്ഷിക്കാവുന്നതാണ്.
തണ്ട് മുറിച്ചു നടൽ - 10 - 15 സെന്റിമീറ്റർ നീളവും 5 - 10 മില്ലീമീറ്റർ വ്യാസവുമുള്ള തണ്ടുകൾ മുറിച്ചു നടുന്നത് 70 - 90% വിജയിക്കാറുണ്ട്.
പൂർണ്ണമായ സൂര്യപ്രകാശം ഇഷ്ടപ്പെടുന്നുണ്ടെങ്കിലും ഭാഗികമായ തണലിലും വളരും. നല്ല ജലവാർച്ചയും മിതമായ ഫലഭൂയിഷ്ഠതയുമുള്ള മണ്ണ് ആവശ്യമാണ്. വരണ്ട കാലാവസ്ഥയിലും വളർച്ചയുടെ ആദ്യഘട്ടങ്ങളിലും കൃത്യമായ നന ആവശ്യമാണ്